مدونة احمد

وبلدنا ع الترعه بتغسل شعرها.. صرخت فى وش الظلم من قهرها....!!!

بلد ابيه حره رفضت الطغيان والقهر زرعت جوانا روح الثوره..هى دى بيلا احد مراكز محافظه كفر الشيخ

بلدى وافتخر...!

المعروف عن بيلاأنها بلد أبية يسكنها شعب من الأحرار ولذلك لم تكن يوماً من الأيام خاضعة لأقطاعى أو لأى نوع من أنواع السلطة القاهرة للحرية والسالبة لهاولذلك حين حاول بعض الأشقياء استخدام سطوتهم وجبروتهم لفرض الإتاوات على شعبها أثناء أحداث الثأر بين عائلتين وأتباعهما، ثار أهلها في وجه هؤلاءالظالمين المغتصبين لحريتهم وكان ذلك في العام 1977 وأحرقوا مركز شرطة بيلا ومحكمة بيلا ومحطة القطار وأشتبكوا مع قوات الأمن التى حاولت منعهم من التعبير عن غضبهم من سيطرة هؤلاء الأشقياء ومن تخاذل سلطات الأمن وتقاعسها وفشلها في القبض على هؤلاء الأشقياء ولقد تحدثت إذاعات العالم عن ثورة بيلا على مستويين المستوى العالمى والعربى ، على المستوى العالمى لأن محكمة بيلا كانت ثانى محكمة على مستوى العالم يتم حرقها بعد محكمة نيويورك وفى هذا دلالة على وجود الظلم وإنتفاء العدالة ولهذا سجلت تلك الواقعة وثورة شعب بيلا على الظلم في سجلات التاريخ العالمى وعلى المستوى العربى لأن السادات كان على قطيعة مع معظم الدول العربية بسبب زيارته لإسرائيل ووجدتها الدول العربية فرصة للتشهير بنظام السادات ووصفت ما حدث بأنه ثورة سياسية في وجه نظام السادات وهذا بعيدا عن الحقيقة، ورغم ذلك أجبرت هذه الأحداث السادات على إلقاء خطاب أمام مجلس الشعب ليقص ويروى السبب الحقيقى لثورة شعب بيلا ، كما أن الكاتب الكبير أنيس منصور ضم لأحد مؤلفاته فصلاً بعنوان البيلـوقراطية (نسبة لبيلا) يرجع فيه ثورة أهل بيلا إلى البيروقراطية البليدة والعقيمة..ولذلك فإن حرق المحكمة لم يكن مقروناً بوجود أى إحتلال

      الامتحان صعب اااه ....!!!

كانت الكلمه دى هي الوحيده اللى قدرت تكسر هذا الصمت الرهيب والسكون فى امتحان الفيزيا ثانويه عامه وتزرع جوانا توتر..والصوت دا ماكانش غريب عليا ابدا
   دا صوته مافيش غيره ..الجلخ !!!!
    وعلاء او الجلخ كما يطلق عليه اصحابه هوه كائن غريب الطبع والشكل والمضمون
       وعلاء المتمرد على كل شئ المتوتر فى كل لحظه اللى مش بتعيشله ضوافر وهتعيش له ازاى وهوه بيتغذى عليها؟!!التوتر اللى جواه غير محدود ولانهائى
    وانفعالاته اللا محسوبه العواقب بتديك انطباع ان انت دايما فى خطر مع هذا الكائن..
         انا مش هاقدر اتكلم عن طفولته عشان انا ماعرفش عنها حاجه مع انى ليا تحفظ ان علاء كان طفل فى يوم من الايام..!!

     علاء كعقليه لاخلاف عليها فانا بعتبره ذكى وكاريزما ليها تاثير وعنده قدره على التكيف(ارميه فى اى مكان وسيبه)
    ايجابى فعال ولكن عصبى وردود افعاله لا انسانيه فى اغلب الاحيان
     وتمرده على ورقه اجابه الفيزيا وخروجه عن النص فى اللجنه وتجرده من بعض ملابسه وخروجه الى العامه فى الشوارع الممتلئه بالناس
     شايل قميصه على دراعه وماشى بالفانله
    ولاحد حاسس اوجاعه وف قلبه عله
     عمال يقرقض قى صباعه والناس مزبهله

    على فكره المشهد دا ياكد شئ ان علاء متمرد على المجتمع ورافضه وطبيعى المجتمع مستغرب علاء بس مش كارهه اصل علاء شخصيه ظريفه خفيفه واحيانا مخيفه
بس لازم من وجودها وسطنا بيعمل جو لذيذ
      من حلم الطب الى كليه الزراعه اللى دخلها علاء واللى كانت مفاجاه لناس كتير لان علاء كعقليه تستاهل اكتر من مجرد كليه بيدخلها اى حد
     لكن علاء ماخلناش نستغرب كتير لانه مانجحش اول سنه ههههه
    
هو دا علاء غريب من يومه بيتوتر على روحه من وهو صغير
       شخصيه غنيه من جواها بالاحداث والصراعات والتوتر وثابت على مبدئه ومصر يكون جلخ ومعنى كلمه جلخ مش معروف بالنسبالى بس على العموم حرف الجيم مع الخاء بيدو معنى الغشم الشديد
    وجود علاء فى كليه الزاعه خلاه مريض بالارض ومايعرفش يعيش بعيد عنها
  ودا اللى حصل بالفعل لان علاء خلص دلوقتى وحنينه للارض ماخلاش علاء يبعد كتير
ودلوقتى علاء فى المزرعه سعيد بحياته واخر مره قابلته كان عنده مشكله فسالته ياعلاء خير؟
قاللى بفكر ازاى ارفع الانتاجيه....!!
     بصيت على صوابعه مالقتش فيها ضوافر وجاوبته لما تبطل تاكل ضوافرك
   الانتاجيه هتزيد هههههههههه

             الاب مدرس ابتدائى منطوى قافل قاطم قافش طول الوقت والام موظفه والبيت متدين والكلاسيكيه تعم المكان والبيروقراطيه واكله السقف والحيطان,ومعششه فى كل ركن من اركان هذا البيت النائى ايوه والله نائى بيتهم لدرجه انى لما كنت باروح ازوره بودع اهلى وجيرانى عشان انا رايح وممكن مارجعش
منطقه نائيه غيطان وترعه وساقيه لكل محبى التامل فى الطبيعه
وزى محمد مابيحكيلى ان ابوه ساب البلد الواسعه الفاضيه فى اوائل التمنينات وراح يبنى ويعيش فيما  وراء الغيطان والزرع
ودى حاجه من الحاجات اللى تاكد مدى الانغلاق والانطواء وعقم التفكير
المهم ان محمد على اد ماكان برئ وطموحه سابقه كان دايما يصطدم بجدار الواقع الاليم
اب  بيروقراطى طيب بسيط وشاب متمرد,ايوه شاب متمرد اصل محمد كبر صحيح ماتكلمتش كتير عن الطفوله اصل الواد دا ماعش طفوله على حق
عرفت محمد من الثانوى طالب زى اى طالب حلم الطب فى عينيه وودانه وعلى لسانه وعشان هوه واد مجتهد وله نصيب
جاب مجموع وابوه طبعا قال نستره وندخله طب وسافر محمد القاهره على دراعه احلام النجاح اصطدمت دماغه برصيف شوارع القاهره الزحمه..وطبعا محمد عمره ماشافش الزحمه غير فى المولد وعاش حياته فى القاهره على اساس انه فى المولد وتاه وكان رسوبه فى السنه الاولى اول خطوه فى طريق الانهيار اللى اتكرر كتير بعد كدا وتمرده على الكليه ورغبته فى التغيير اصطدمت برغبه اب هو عدو لاى تغيير
وطبعا التمرد بتاع محمد خلاه يفشل من جديد وبعد معاناه دخل محمد كليه طب الاسنان وعلى راى المثل من طب بشرى لااسنان ياقلبى لاتحزن واللى حصل فى كطب بشرى اتكرر فى اسنان
    والحقيقه اللى اكتشفها محمد انه مريض نفسى من اول يوم دخل الكليه وبالرغم ان دماغه لايختلف عليها اتنين وذكاءه يستحق الاشاده بيه بس الظروف والضغط اللى عليه ولد جواه نوع من التوتر واللى خلاه يتمرد على كل شئ
وطبعا محمد لسه فى تالته كليه والنتيجه لسه مابانتش وياعالم بس اللى انا متاكد منه ان محمد دا ضحيه ووجوده فى اى عنبر بيعتبر اضافه ويبقى السؤال
       محمد الى اين؟ ياجماعه ياريت اسمع تعليقاتكوا وهنتواصل مع متوترين كتير وياريت المتوتر فيكوا يطلعلى....وتحيا عنابر جمهوريه مصر العربيه    
     

التوتر اللى بينتاب الشعب المصرى اليومين دول مايطمنش وبصراحه كدا انا خايف على نفسى وحاسس انى عايش فى عنبر كبير ماليان متوترين كتير.طب ايه الحل؟فضلت اقرا كتب فى علم النفس وعلم الاجتماع والسلوك الانسانى والتوتر اللى حوليا دا مالوش علاج..يعنى المتوتر ده مالوش حق انه يعيش زينا فى امان؟!!يعنى ردود الافعال الغريبه اللى بتحصل من الناس وباشوفها بعينيا دى فى الاتوبيسات والمترو والشوارع الضيقه الزحمه..
ياجماعه الموضوع كبير انا ماشى فى الشارع بلاقى الناس بتخبط فيا..الشعب مالو؟ عمال يخبط فى بعضه!!
هل الهوا الملوث ولا الميه ولا حد داعى علينا.. انا اصحابى كلهم بقوا متوترين وبصراحه انا بدات انعزل شويه عنهم..(وال ياعاقلين يكفيكوا شر المتوترين)

وبصفتى واحد من الوحايد القليله اللى شايل فى قلبه ومهموم بمشاكل غيره كان لازم اخد للمتوتر حقه..المتوتر دا كان طبيعى زينا..ضغوط الحياه..والعيشه المره..والتربيه الكلاسيكيه الجافه..الشباب معذور
كان لازم ناسسها جمعيه مستقله للتغلب على مشاكل الحياه الممله والتوتر اللارادى وعايزين نوقف التخبط..انا نفسى امشى فى الشارع مره ماحدش يخبط فى كتفى..من اجل حياه من غير اكتاف..وداعا للتشنجات
وحلا لمشاكل البيئه المتوتره..لا لتوتر البيئه
كان لازم ناسسها جمعيه للقضاء على التوتر واعاده تهيئه المتوتر للتاقلم من جديد مع المجتمع..انا عايز اعيش فى مجتمع كوول..وفى المجتمعات الكوول المتقدمه المتوتر بيقتل نفسه(بيوسّع لغيره يعيش)احنا فى مجتمعنا المتوتر بيقتل غيره!!!..(اللى عايز يفضل يتوتر يتفضل يتوتر بعيد عننا احنا مش عايزين حد يتوتر علينا)

الماساه الحقيقيه ان المتوتر توتره الداخلى بينعكس على تصرفاته الخارجيه..دول بياكلوا اظافرهم انا اصحابى خلاص ماعندهمش اظافر.. اصحابى بلااظافر..
لذلك انا عملت الجمعيه واسستها بعد ماقدرت اقنع مجموعه كبيره من المتوترين اصحابى ونكون جمعيه هدفها فى الاساس الحفاظ على الاظافر

جمعيه اكلى اظافر اليد
هيه جمعيه فى الاساس تناقش مشاكل المتوترين وكيفيه حلولها واوعدكم فى مقال تانى احاول اسرد لكم مجموعه من مشاكل اصحابنا المتوترين
ومن الموقع دا انا بناشد كل من يرى فى نفسه اعراض او شبهه اعراض توتر انه يراسلنا ويراسلنى انا بالذات
عشان انا مش عايز توتر..بقول لكل جيرانا المتوترين اهلا بيك فى جمعيه اكلى اظافر اليد
الجمعيه فاتحالك ايديها وكل المتوترين فى الجمعيه هما اخواتنا وجيرانا واصحابنا
اذا كنت متوترا فلا تتردد وانضم الينا
اما اذا كنت متوترا ومترددا فحاول ان تتمرد..علشان مايفضلش فى المجتمع ولامتوتر واحد...



الكلام دا جد وعلى مسئوليتى وياريت الناس تنضم لينا فى الحمله دى وشكرا